Friday, December 30, 2011

සිංහල බෞද්ධ ජාතිකත්වය... By Ravipriya Thushara in ජාතිකත්වය







ජාතිකත්වය යනු කුමක්දැය් විමසා බලමු. මම මෙයට නිර්වචනයක් වෙනුවට මට හැඟෙනා ආකාරයට හැඳින්වීමක් දෙන්නට උත්සාහ කරමි.

පලමුවෙන්ම මම අපි ජාතිකත්වය ලෙස හදුන්වන දේ බටහිරයන් ජාතිකත්වය ලෙස හඳුන්වන දෙයින් වෙනස් බව කීමට කැමැත්තෙමි.තායි වැසියන්ට තවත් ජාතිකත්වයකුත්, චීනුන්ට තවත් ජාතිකත්වයකුත් තිබෙයි. එහෙත් තායි වැසියන් සහ අපි ජාතිකත්වය ලෙස හඳුන්වන දෙය බටහිරයන් ජාතිකත්වය ලෙස ගන්නා දෙයට වඩා සමීප වෙයි.එය මෙසේ පැහැදිලි කරමි.ජාතිකත්වය යනු මිනිස් මනසේ ඇති සිතුවිලි සමූහයකට, අදහස් සමූහයකට අපි විසින් දී ඇති නමකි. අපගේ සිතුවිලි බටහිරයන්ගේ සිතුවිලි වලට සමානද? මිනිසුන් දෙදෙනෙක් විසින් ගවයෙකු මරා මස් පිනිස සකස් කිරීම දැක්වෙන සල රූ දසුනක්(video) අපේ සිංහල ගැමියෙකුට(හෝ ඔබට) සහ ස්පාඥ්ඥයේ වෙසෙන වැසියෙක්ට පෙන්වුවායයි සිතමු. ඔවුන් දෙදෙනාටම  පහල වන්නේ එකම සිතුවිලිද?මිනිසුන් සිතනා ආකාරය ඔවුන්ගේ සංස්කෘතියට, සරල ලෙස කියන්නේ නම් ඔවුන් හැදුන වැඩුන පරිසරයට බොහෝ දුරට සාපේක්ශ වෙයි.සංසාර පුරුදු වැනි විශේෂ හේතු නිසා සංස්කෘතියට බොහෝ ලෙස අනුකූල නොවන ආකාරයෙන් සිතන මිනිසුන්ද සුළු වශයෙන් සිටිය හැක.එහෙත් සමස්ථයක් ලෙස ගත්කල මිනිසුන් සිතන ආකාරය ඔවුන් ජීවත් වන සංස්කෘතිය මත රඳා පවතියි.

බටහිරයන්ගේ සංස්කෘතිය අපට වඩා බොහෝ සෙයින් වෙනස්ය.තායි වරුන්ගේ සංස්කෘතිය අපිට වඩාත් සමීප වෙයි.දැන් ජාතිකත්වය යන්න විවිධ සංස්කෘතීන් ලෙස විවිධ ලෙස ගන්නා බව පැහැදිලිය.බටහිරයන්ට ජාතිකත්වය පිලිබඳ සංකල්ප ඇති වූයේද ඔවුන්ගේ වැඩවසම් යුගයත් සමඟ බව දැක්වෙයි. එහෙත් අපේ ජාතිකත්වයට, අනෙකුත් වැසියන්ගේ ජාතිකත්ව සංකල්ප වලට ඊට වඩා දිගු ඉතිහාසයක් වෙයි.

දැන් අපි අපගේ ජාතිකත්වය පිලිබඳ සලකා බලමු.අපේ කම,තමන්ගේ දේ ගැන ඇති කැක්කුම සහ සිංහලකම ආදී වචන ගැන සලකා බලන්න.ජාතිකත්වය, ජාතිකවාදය යන සංකල්ප එහි ගැබ් වී ඇතැයි මම සිතමි.ජාතිකත්වය යනු මිනිසුන්ගේ සිතෙහි ඇති හැඟීමයි. සිතෙහි ඇතිවෙන හැඟීමක් වචනයෙන් පැවසීම අපහසු බව ඔබ දනියි. නමුත් මෙය මඳක් දීර්ඝ ලෙස විස්තර කල යුතිය.

යමෙක් තමන්ගේ ජාතිය සුරැකීමට සහ එහි නැගීමට කටයුතු කරන්නේ ජාතිකත්වය නිසාවෙනි.ජාතිය පිලිබඳ හැඟීමක් ඇති නිසාවෙනි.නමුත් මෙහිදී තමන් තම ජාතිය පිලිබඳ ආත්මාර්ථකාමී ලෙස සිතමින් අසාධාරණ ලෙස කටයුතු කරන්නේ නම් එය ජාතිවාදයක් බවට පත්වෙයි.යමෙක් තම රට ජාතියට බාහිරින් එන සතුරු උවදුරු වලට තම ජාතිය ආරක්ශා කිරීමෙහි අරමුණෙන් එරෙහි වීම ජාතිකත්වයයි. යමෙක් තම ජාතිය නැංවීමට වෙනත් ජාතීන් සතු රටවල් ආක්‍රමණ්ය කිරීම ජාතිකත්වය නොවෙයි.තම ජාතිය අන් ජාතීන්ට වඩා උසස් ලෙස සැලකීමත් එසේය.වෙනත් රටකට තවත් රටක් විසින් අහේතුකව පහර දෙන්නේ නම් එයට විරුද්ධ වීම සහ පහරදීමට ලක්වන රටට පක්ශපාතී වීම ජාතිකත්වය නොවෙයි. එය අපි සාධාරණත්වය මත සිට කෙරෙන ක්‍රියාවකි. එහි කැක්කුමක්,හැඟීමක් නොමැත.ඕල්කට් තුමා අපේ රටට පැමිණ අපේ මිනිසුන්ට උදව් කරේ ඔහුට අපේකමක් ඇති නිසා නොවෙයි. ඉන්ගිරිසින්ගේ ක්‍රියා දුටු ඔහු සාධාරණත්වය උදෙසා ක්‍රියා කලේය.ටිබෙට් මහින්ද හිමි අපේ වැසියෙක් නොවුවත් ඔහු සිංහලකමක් ඇතුව අපේ ජාතියට වැඩ කළේය.එංගලන්තයට මහා පරිමානයෙන් මුස්ලිම් වරු සංක්‍රමණිකයන් ලෙස පිවිසී එම රට තුල පැතිරෙමින් පවතින ඉංගිරිසි සංස්කෘතිය වෙනස් කිරීමට උත්සාහ කරති. එංගලන්තයටම පිලිකාවක් ලෙස හැසිරෙයි.එයට විරුද්ධ වෙන ඉන්ගිරිසි වැසියන්ට අපි සහය පල කරන්නේ සාධාරණත්වය සලකාය.

අපගේ ජාතිකත්වයට අනුව අනෙකුත් ජනවර්ග පාගා දැමීම හෝ වෙන රටවල් වලට අසාධාරණ ලෙස බලපෑම් කිරීම වැනිදේ ඉතාම දුලබය.වසර 2500ක පමණ ඉතිහාසය තුල අපිට පැමිණි සතුරු ආක්‍රමණ අපි විනාශ කර දැමුහ.අපි අපේ දේ රැක ගන්නට පෙළ ගැසුනෙමු. නමුත් අපි හමුදා තනා වෙනත් රටක් ආක්‍රමණය කරන්නට නොගියහ. ඉතා විශිෂ්ඨ යුධ ශක්තියක් තිබූ පැරකුම් රජු පවා අහේතුකව වෙනත් රටවල් ආක්‍රමණය නොකලේය.ඔහු පාණ්ඩව දේශයේ කුමරෙක්ට ඔහුට පැමිණි සතුරු ආක්‍රමණ පලවා හැරීමට උදව් කල බව සදහන්ය.ඔහුට යුද්ධයෙන් උදව් කර රට නැවත ඔහුටම පවරාදෙන ලදියි.
අපේ රටේ වෙසෙන ජන කොටස් පාගා දැමීමද අපි නොකරන්නෙමු.ඔවුන් අප සමග සහජීවනයෙන් වෙසෙන තාක් ඔවුනට අපෙන් ප්‍රශ්නයක් වෙන්නේ නැත. අපි සහෝදරත්වයේ දෑත් දිගුකරන්නෙමු.එහෙත් අපිට විරුද්ධව කුමන්ත්‍රණ සහ සටකපටකම් ඉවසන්නේ නැත. අතීතයේ අප රටට සතුරු ආක්‍රමණ පැමිණි විට ඔවුන්ගේ හමුදා බිඳ දමා අපේ උරුමය නැවත ප්‍රතිස්ථාපනය කරන ලදියි. එහෙත් අපේ මුතුන් මිත්තෝ සතුරු හමුදා සමඟ පැමිණි සොළී ජනයා සමූලඝාතනය කල බවක් ඉතිහාසයෙ නොදැක්වෙයි.ඔවුන් අපේ මිනිසුන් සමඟ එක්වී අපගේ සංස්කෘතිය තුලට අවශෝශනය වී සිංහල බෞද්ධ බවට පත් වූහ.

අපගේ ජාතිකත්වය එතරම්ම නම්‍යශීලී සහ හිතවත්ය.පොළොන්නරු යුගයේ සඳකඩ පහනෙන් ගව රූපය ඉවත් වූයේ, පන්සල් සමඟ දේවාල තැනුනේ එම මිනිසුන්ට අපගේ සිංහල බෞද්ධ සංස්කෘතියට අවශෝෂණය වීම පහසු කරමිනි.අපි ගව රූපය එලෙසම තබාගැනීමට තරම් කුහක නොවූහ.එහෙත් ඔවුන් සිංහල බෞද්ධ ක්‍රමයට විරුද්ධ වී වෙනත් පාලනයක් හෝ සංස්කෘතික වෙනසක් සිදු කිරීමට උත්සාහ කරේ නම් ඔවුන්ට අපගේ මුතුන් මිත්තන්ගේ ප්‍රතිරෝධය නිතැතින්ම ලැබෙන්නට තිබුනහ.නමුත්  ස්වභාවික ලෙස අවශෝෂණයම සිදු විය.මම හෝ ඔබ පැවත එන්නේ එලෙස අපගේ සිංහල බෞද්ධ සංස්කෘතිය තුලට අවශොෂණය වූ සොළීන්ගෙන් විය හැකිය.එය අපට ගැටලුවක් නොමැත. අපගේ ජාතිකත්වය පදනම් වන්නේ ලේ නෑකම මත නොව සංස්කෘතිය මතයි.

අපගේ(සිංහල බෞද්ධයන්ගේ) ජාතිකත්වය කුමක්ද යන්න ඔබට පැහැදිලි ඇතැයි මම සිතමි.දැන් දේශපාලනය සහ ජාතිකත්වය පිලිබඳව සලකා බලමු.
දේශපාලනය යනු කුමක්ද...? මම දකිනා ලෙසට දේශපාලනය යනු බටහිර උගතුන් සමූහයක් විසින් ගොඩ නගන ලද දැනුම් සමූහයකි. සමහරෙක් එය දේශපාලන විද්‍යාව ලෙස හඳුන්වන නමුත් එහි ඇති විද්‍යාවක් නොමැත.එය දැනුම් සමූහයක් පමණි.එහි සමාජ සහ සමූහ පරිපාලනයට අදාල යම් යම් නියම සහ ප්‍රවාද පිලිබඳව දක්වා ඇත. එහෙත් ප්‍රායෝගික ලෝකයේ දේශපාලඥයන් ලෙස හඳුන්වන පුද්ගලයන් මෙම දේශපාලනයේ සඳහන් දැනුම අනුව කෙතරම් දුරට ක්‍රියා කරයිද?දේශපාලඥයන් සියලු දෙනා දේශපාලනය පිලිබඳ දැනුමෙන් යුක්තද? මෙම කරුණු පිලිබඳව සලකා බලන්න...දේශපාලනය යනු මහා විශාල විශය පථයක් යය් කියමින් කෙකරගාන්නන් හට මට කීමට ඇත්තේ දේශපාලනය යනු මහ ලොකු කජ්ජක් නොවන බවයි. එය තවත් එක්තර දැනුම් සමූහයක් සහ සිද්ධීන් විශ්ලේෂණයට ගත හැකි රාමුවකි.දේශපාලනය යන දැනුම් රාමුව බිහිවීමට පෙර ලෝකයේ ශ්‍රේෂ්ඨ, දක්ශ පාලකයො සිටියේ නැද්දැ?ඔවුන් දේශපාලන දැනුම නොමැති වුවත් සාර්ථක පාලකයන් වූවේ කෙසේද?බුද්ධිමත්, අවංක, රට දැය සමයට හිතැති නායකයන්ය ලෝකයට අවශ්‍ය. දක්ශ නායකයන් තම රට හෝ ප්‍රජාව පාලනය කිරීමට පවතින ක්‍රමය යොදාගැනීමද අවශ්‍ය නම් නව සංකල්ප බිහි කිරීමද කල යුතුය.

දැන් දේශපාලනය සහ ජාතිකත්වය බැඳෙන, ගැටෙන අයුරු බලමු.පැහැදිලි ලෙසම ජාතිකත්වයේ දේශපාලනයට වඩා යමක් ඇති බව ඔබට දැන් වැටහෙනු ඇතැයි සිතමු.ජාතිකත්වය දේශපාලන න්‍යායක සිර කිරීමට නොහැකිය.එය ජාතිකත්වයට කරන නිගරුවක් වන අතර කළ නොහැක්කක්ද වෙයි.දේශපාලනය යන වචනය අපේ මිනිසුන් අසන්නටද පෙර ඔවුන්ගේ හිත් තුල ජාතික හැඟීම පැවතින.එසේ නොමැති නම් ඉංගිරිසි කොඩිය බිමදමා පාගා නැවත අපේ සිංහල කොඩිය එසවූ හිමි නම දේශපාලනය හදාර එය අනුව ක්‍රියා කල කලෙහිද?හසලක ගාමිණී විරුවා දිවි පිදුවේ කවර දේශපාලන න්‍යාය උදෙසාද? කවර දේශපාලකයා සුරැකීමටද?

දේශපාලඥයන් යනු දේශපාලන දැනුමක් ඔවුනට තිබුනා හෝ නොතිබුනා හෝ වේවා කෙලෙස් සහිත, හැඟීමෙන් යුක්ත මිනිසුන්ය.ඔවුන්ගේ ජාතිකත්වය පිලිබඳ බැඳීම මෙලෙස වර්ග කිරීමට මම උත්සාහ කරමි.
1.ඇතමෙක්ට අවංක ලෙසම ජාතික හැඟීමක් පවතියි.ඒ අනුව ක්‍රියා කරයි.
2.තවත් සමහරෙක් ඔවුන් තුල එතරම් ජාතිකත්වයක් නැතත් ජාතික හැඟීම ඇති අයගේ මනාපය ගැනීමට ජාතිකත්වය සදහා පෙනී සිටියි.ජන ප්‍රසාදය තකා ඒ සදහා ක්‍රියා කරයි.
3.තවත් අය ජාතිකත්වය උදෙසා ක්‍රියා කරන බව පෙන්වා බලයට පැමිණ ඊට විරුද්ධ ලෙස හෝ ජාතිකත්වය නොසලකා හෝ ක්‍රියා කරයි.
4.තවත් සමහරෙක් ජාතිකත්වය යනු කුමක්ද වත් නොදැන ඊට ස්වායත්තව ක්‍රියා කරමින් විවිධ ක්‍රම මගින් බලයට පැමිණ දූශණ සහ වෙනත් අකටයුතු කම් කරමින් රට පිරිහවමින් තම බඩ වඩා ගැනීමට ක්‍රියා කරයි
5.තවත් අය තමන්ගේ රාමුවෙ හෝ දැනුමෙහි පටු බව නිසා යම් දෘශ්ටිවාදයක්(සමාජවාදය,ලිබරල්වාදය )අල්ලාගෙන, එය නිවැරදි යයි සිතමින් රට, ජාතිය, සංස්කෘතිය වැනි දේට වින කැටෙන වැඩ තම දෘෂ්ටිවාදය වෙනුවෙන් කරති.
6.තවත් සමහරෙක් මුදල්, බලය හෝ වෙනත් ලාභ ප්‍රයෝජන තකා සමාජවාදය, ලිබරල්වාදය හෝ මානවහිතවාදයක් බොරුවට මවාපාමින් එය ජාතිකත්වයට එරෙහිව අවියක් කරගනිමින් ක්‍රියා කිරීම.
පලමු වර්ගයේ අය දැන් කාලයේ අපේ රටේ ඉතාම අවම වෙයි.එහෙත් අපිට අවශ්‍යත් එවැනි පුද්ගලයන්ය.එවන්නන් අල්ප මෙවන් සමයක දෙවැන්නන්ට හෝ පක්ශපාතී වීම 5,6 වැන්නන් බලයට ඒමට ඉඩ දීමට වඩ නුවනට හුරුය.තෙවැන්නන් හෝ හතර වැනි වර්ගයේ අය සිටින විටදී අවධානම් ලෙස ඔවුනට විරුද්ධව යන්නට ගොස් 5 වැන්නන් හෝ 6 වැන්නන් බලයට ඒමට මං පාදනවාට වඩා 5 හෝ 6 වැන්නන්ගේ දුර්ගුණ සිහිකොට 1 හෝ 2 ගණයේ කෙනෙක් පහල වෙනතෙක් තිබෙන තත්වය ආරක්ශා කරමින් 5 සහ 6 වැන්නන් ප්‍රතික්ශේප කර සිටීම බුද්ධිමත් ක්‍රියාවකි.අපි විවිධ කාලයන්හිදී සහ විවිධ තත්වයන්හිදී පක්ශපාතී විය යුතු වන්නේ කවර වර්ගයේ දේශපාලකයන් හටද යන්න ඔබට වැටහෙනු ඇතැයි සිතමි.

1 comment:

  1. Deaux Ex Machina කියන සෙකියුලර් හාල්පාරුවා මම කියපු එකකට කියලා තිබුණා මේ රටේ සංස්කෘතිය හැදුවෙ සිංහල බෞද්ධයො නෙවෙයි කියලා .උගෙ අම්ම අප්පද දන්නෑ හැදුවෙ

    ReplyDelete