Saturday, December 24, 2011

"IF"-By Radyard Kipling(Sinhala)

වටපිට සිටින හැම අයෙකුම උමතු වෙසින්

ඔබ පිට වරද පටවන විට කටුක බසින්

පැනයනු නොදී හරි දැකුමට නුවන ඇසින්

හැකිනම් ඉන්ට කිසිවක් නො ඇසුනෙකු ලෙසින්




මායාකාරි ජය පැරදුම දිවියෙහි දී

ඔබෙ අබියසට විත් අතදුන් මොහොතකදී

දිනුමෙන් උදම් නොමවී නොහඬා පැරදී

හැකිනම් සම සිතින් පිළිගන්නට අතදී




දිනු යස ඉසුරු හැම රැස්කොට එක ගොඩක

තබමින් පරදුවට එය පැරදුන විටෙක

නොදොඩා නොපටලා සිත අහිමි වු යමක

හැකිනම් යෙදෙන්නට යළි මුල සිට වැඩක


වාරය ගොස් තිබේ ඔබ පසුකර ඔන්න

කාලය ඉක්ම ගොස් එය ලුහුබැඳ යන්න

මෙතුවක් නොනිමි මෙහෙවර ඉටු කරලන්න

හැකිනම් රුහිරු-මස-හදවත පොළඹන්න




හිස් බව උරුමයට දී හැම නැතිව ගියත්

දැඩි අදිටනක් ළමැදෙහි ඉතිරියට ඇතොත්

"අත් නොහරිනූ"'යි කුලුගන්වා ලෙයත් මසත්

එල්ලී සිටිය හැකිනම් දිවිතුරෙහි තවත්




"එහෙනම් එදා මිහිතලය ම ඔබගෙ අතේ

එහි ඇති සියලු සැප සම්පත් හිමිව ඇතේ

තව ඇත යමක් එය රඳවනු මැනවි සිතේ

මිනිහෙකු වන්නෙ ඔබ ඒ දවසට ය පුතේ"'






මේ සිංහල අනුවාදය රචිත කෙනා සොයා දෙන්න..........

No comments:

Post a Comment